دبلوماسي سابق يتهكم على دول الناتو ويطالبها بمساعدة ليبيا في أزمة الكهرباء

دبلوماسي سابق: طالب الدبلوماسي الليبي السابق محمد العكروت دول حلف شمال الأطلسي الناتو بمساعدة ليبيا في حل أزمة الكهرباء، متهكما في تدوينة عنونها بصباحيات ونشرها على صفحته على فيسبوك، على تلك الدول التي أرسلت جندوها للبلاد بحجة مساعدة الشعب.

وقال فيها: الدول اللي ارسلت جنودها وبواخرها وطائرتها ومدرعاتها  بحجة مساعدة الشعب الليبي المسكين اللي واجعها حاله ،، قولولها راهو الشعب الليبي المسكين ، مازال مسكين وغلبان ،،

اذا تبعث هذه الدول باخرتين محطات توليد كهرباء او عشر مولدات ضخمه ، ويكون معاها الفنيين المتخصصين ، مثل اللي جو في وقت الحرب ، راهو محتاجينهم في وقت السلم ،،

مافيش باس كان فرحتونا بمحطة او ثنتين مع الفنيين ، وساعدتونا في هالازمه متاع الكهرباء ،، ومثل ما شكرناكم ومدحناكم وقت ارسلتوا جنودكم وطيارتكم ورفعنا اعلامكم ،، حنشكروكم اكثر واكثر ،، واذا قبل سمينا عليكم شارع ، توا مستعدين نسموا عليكم شوارع وميادين ،، ،،

هيا ترا ديروها يا قدعان ….